I ricord ed Tognet ed la Giovana

Ginta amiga evv salutt tutt 
Come evdi e son torne anca ste stmana
Per conterev i ricord ed Tognett e la
Giovana

Se ia v’di ien du beè vcin
Dal so esser ien content
Giinta onesta fata in cà
Come useva in eter temp 
Quand es’guerden quand es’perlen
Lor lè tutt un compliment

Leter gioren almà cònte 
una storia tanto belà
Al ma ditt  (tè che te bon
Teg po’ fer na sirudela)

E mè col consens ed la Giovana
Un piaser fag a Tognett
Evv cont un po’ di so ricord
Ed na matena chieren ancora a lett

Le ancora nòta fonda
Tognett e la Giovana sen svegle
Es meten sven e sven perche gan fredd
E comincen a parler dal present e dal
pase

Se te ed saiss Tognett cosa penseva
ieren spose da poc e sensa fal
Tutt al matena a la stessa ora 
tem fev sentie come canteva al gal

Giovana me em ricord che a la matena
Sentiva me al nitrir dlà cavalena
L’amtiva sota as’tonghi dal birocc
E monteven insim la scrocca
Costi me tol voi dir
E con quater colp ed frusta
Infileven la stradlena
C’las porteva in paradis

E me em ricord al beli pasegiedi
Che feven in mesa ai bosc
Po’ es’ fermeven in t’nà radura e subitt
feven un pic-nicc
At piasiva a tè csè tant al contat con la
natura

E quand andeven a fer al bagn in
dl’Enza
Tè et rivev tutta acaldeda
Tandev denter a l’aqua fresca
Tet lavev la tò bugheda

Sota a l’ombra dal pioper
Te ter semper in algria
Più d’un ora steven al fresch
A sugher la biancheria a liseret la
pelicia

E adess la me Giovana 
Sema andee tutt du in campana
Te tal sèè quant am’rincresa 
Pos sol feret na caresa

O Tognett e tal voi dir 
col galett e lo zerche
Anga più ne oss né polpa
Sol la pela io catèè

O Tognett e me Giovana
Col galett la cavalena
Fer l’amor porta fortuna
Sensa spender gnan un sold
I’em gire al paradis
E po’ anc tri quert ed luna

Cesare Carlini -Cerezzola, 27 maggio 1994 -